Stjórn hvers ráðs er skipuð forsvarsfólki fyrirtækja beggja landa. Í allt eiga yfir 120 einstaklingar sæti í stjórnum millilandaráðanna sem öll sinna störfum í þágu atvinnulífs í sjálfboðavinnu. Samanlegt eru félagsmenn ráðanna yfir 500. Þrír formenn, sem mynda svonefnt formannaráð, fara fyrir alþjóðaviðskiptaráðunum en það eru Ársæll Harðarson, formaður JAÍS, Dagmar Þorsteinsdóttir, formaður BRÍS og Jón Trausti Ólafsson, formaður ÞÍV. Forstöðumaður ráðanna fimmtán er Stella Stefánsdóttir.

Markmið Alþjóðaviðskiptaráðanna er að koma á og viðhalda viðskiptatengslum milli landanna, en það er gert m.a. með því að efla tengsl á sviðum viðskipta, stjórnmála, menntunar og menningar. Helstu verkefni ráðanna eru að standa fyrir fundum, ráðstefnum og viðburðum um málefni sem aukið geta samvinnu og tengsl – hérlendis og erlendis.

• Heimasíða Millilandaráðanna - www.millilandarad.is