Stjórnarhættir

Viðskiptaráð Íslands gefur út leiðbeiningar um stjórnarhætti fyrirtækja ásamt Samtökum atvinnulífsins og Nasdaq Iceland. Árið 2020 hófst endurskoðun á leiðbeiningunum og var 6. útgáfa þeirra gefin út í febrúar 2021.

Þónokkrar breytingar voru gerðar á leiðbeiningunum í 6. útgáfu, þótt uppsetning og meginskilaboð þeirra sé með sama hætti og í fyrri útgáfu.

Meðal annars var umfjöllun í leiðbeiningunum um tilgang og inntak þeirra dýpkuð auk þess sem breytingar voru gerðar á einstökum ákvæðum í samræmi við stefnur og strauma erlendis og hér á Íslandi. Þá var víðtækt samráð haft við hagaðila um þær breytingar sem gerðar voru og ýmsar gagnlegar athugasemdir úr samráðinu urðu kveikja að jákvæðum breytingum á leiðbeiningunum í 6. útgáfu.

Nýr vefur og rit um tilnefningarnefndir

Samhliða nýrri útgáfu leiðbeininganna var opnuð ný vefsíða þar sem leiðbeiningarnar má finna í uppfærðri útgáfu. Á vefsíðunni er einnig að finna upplýsingarit um tilnefningarnefndir sem ber heitið Tilgangur og ávinningur tilnefningarnefnda – Reynsla og þróun á Íslandi og Norðurlöndum.