Líkt og svo margt fleira var fundur ársins 2020 með breyttu sniðu en fór hann fram í beinu streymi og hafa aldrei jafn margir fylgst með fundinum. Yfirskrift fundarins var „Á Seðlabankinn að grípa inn í markaði?“ en með því var vísað til umfangsmikilla gjaldeyrisinngripa Seðlabankans og boðaðra kaupa bankans á ríkisskuldabréfum sem þegar á hólminn var komið reyndust minni en reiknað var með. Formaður Viðskiptaráðs ávarpaði fundinn og seðlabankastjóri flutti erindi og stöðu og horfur í peningamálum. Á fundinum voru einnig sýnd innslög þar sem félagar Viðskiptaráðs viðruðu sín sjónarmið um efni fundarins og þróun peningamála almennt. Loks stýrði Konráð S. Guðjónsson, hagfræðingur og aðstoðarframkvæmdastjóri, umræðum með Ernu Björg Sverrisdóttur, aðalhagfræðingi Arion banka, og Gunnari Jakobssyni, varaseðlabankastjóra fjármálastöðugleika.

• Sjá nánar

Árið 2021 var fundurinn aftur haldinn í beinu streymi á Hótel Nordica. Nú var umræðuefnið hvort að vinnumarkaðurinn væri týndi hlekkurinn í hagstjórninni og ynni gegn því að ríkið og seðlabankinn gætu stuðlað að verðstöðugleika. Ávarp formanns og erindi seðlabankastjóra voru á sínum stað auk innslaga með sýn félaga á þessi mál. Í pallborðsumræðum voru svo Magnea Þórey Hjálmarsdóttir, fyrrum framkvæmdastjóri Icelandair Hotels, Ragnar Þór Ingólfsson, formaður VR og Rannveig Sigurðardóttir, varaseðlabankastjóri peningastefnu. Umræðurnar voru nokkuð fjörugar en þó virtust allir sammála að hægt væri að gera meira til að stuðla að auknum stöðugleika.

• Sjá nánar: "Allir tapa og enginn vinnur"

Raddir viðskiptalífsins á Peningamálafundi 2021